Ein Stori
Sefydlwyd Cynnal Bro Machno ym mis Hydref 2025 yn bennaf er mwyn achub ein tafarn leol, Ty Uchaf/Eagles gan geisio sicrhau na fydd y dafarn yn cau.
Daeth trigolion lleol ynghyd, dros gyfres o gyfarfodydd cyhoeddus, er mwyn sefydlu endid a fyddai’n ein galluogi i fanteisio ar y cyfle i brynu’r dafarn a’i chynnal fel ased cymunedol hanfodol.
Erbyn diwedd mis Hydref penodwyd swyddogion, a ffurfiwyd Pwyllgor o dan yr enw ‘Cynnal Bro Machno. Daeth y grŵp yn rhan o gymdeithas budd cymunedol o’r enw cymdeithas dai bro Machno cyfyngedig.. Fel endid cyfreithiol, a reoleiddir gan yr FCA, mae hyn yn golygu ein bod bellach yn gallu dilyn ffynonellau cyllid i'n helpu i ariannu pryniant Yr Eagles.
Bro Machno
Wedi’i leoli yn harddwch parc cenedlaethol Eryri, mae Bro Machno yn cwmpasu pentrefi Penmachno, Cwm Penmachno a’r ardaloedd cyfagos. Yn hanesyddol mae’r ardal efo cysylltiad cryf efo’r diwydiant llechi ac ar ddechrau’r 20fed ganrif roedd y chwareli yng Nghwm Penmachno yn gyflogwyr pwysig iawn yn y fro. Yn y cyfnod sydd ohoni heddiw, ac oherwydd lleoliad gwledig yr ardal, does dim cymaint o gyfleodd cyflogaeth yn y plwyf. Er hynny, oherwydd yr adnoddau naturiol sydd yma a’r llwybrau beicio mynydd mae’r ardal yn denu llawer o dwristiaid ac mae diwydiant twristiaeth yn bwysig yn yr ardal. Mae’r boblogaeth leol, a amcangyfrif i fod rhwng 600-700 o drigolion yn dibynnu’n fawr ar siop y pentref a’r unig dafarn, sef yr Eagles, sydd wedi ei leoli yng nghanol y pentref.
Mae’r Ty Uchaf yn leoliad poblogaidd iawn gyda twristiaid, ond mae hefyd yn rhan annatod o gymuned Bro Machno. Mae’n le canolog i bobl ddod i gymdeithasu ac mae’n fan croesawgar i bob aelod o’r gymuned. Mae gwersi Cymraeg, nosweithiau gwerin, cwisis er budd elusennau lleol a llawer mwy o ddigwyddiadau yn cael eu cynnal yn nhafarn Y Ty uchaf. Oherwydd hyn,mae Cynnal Bro Machno wedi ymrwymo i sicrhau bod yr adnodd hanfodol yma yn parhau i fod yn rhan annatod o’n cymuned. Gallwch ddarllen mwy am hanes Ty uchaf ei hun yma
Cwrdd â'r tîm
Gadewch inni gyflwyno rhai o swyddogion ac aelodau pwyllgor Cynnal Bro Machno i chi….
Cadeirydd
cadeirydd@cynnalbromachno.cymru
Cadeirydd
cadeirydd@cynnalbromachno.cymru
Trysorydd
trysorydd@cynnalbromachno.cymru
Ysgrifenydd
ysgrifenydd@cynnalbromachno.cymru
Cwestiynau Cyffredin
Rhai cwestiynau cyffredin am ein cynnig cyfranddaliadau a mwy……
Mae cynnig cyfranddaliadau’r Eagles yn agor ar 14 Chwefror 2026 a disgwylir iddo bara tan ddiwedd mis Ebrill 2026.
Y buddsoddiad lleiaf y gellir ei wneud fesul cyfranddaliwr yw £50. Rydym yn rhagweld y bydd hyn yn gwneud y cynllun yn hygyrch i gynifer o bobl â phosibl.
Na, does dim rhaid i chi fyw ym Mhenmachno nac yn y cyffiniau. Mae'r cynllun hwn ar agor i unrhyw un yn unrhyw le!
Gallwch gael y wybodaeth ddiweddaraf am y prosiect drwy ymweld â ni yma ar y wefan, drwy gofrestru i’n cylchlythyr neu drwy ddilyn ein sianeli cyfryngau cymdeithasol.
Bydd gan bob cyfranddaliwr hawliau pleidleisio cyfartal. Cyhoeddir rhagor o wybodaeth maes o law.
Byddwch yn helpu i ddiogelu dyfodol y dafarn bentref hanesyddol hon fel rhan annatod o'r gymuned leol. Gobeithiwn y bydd rhagor o fuddion hefyd yn cael eu cyhoeddi wrth i ni symud ymlaen
Os na fyddwn yn llwyddo i gyrraedd ein targed gofynnol drwy ein cynnig cyfranddaliadau, bydd yr holl arian a addawyd yn cael ei ddychwelyd i fuddsoddwyr.
Yn y cyfnod cynnar hwn, y flaenoriaeth yw caffael y dafarn yn y lle cyntaf. Mae datblygiad y busnes yn y dyfodol eisoes yn cael ei drafod a chyhoeddir y wybodaeth ddiweddaraf maes o law.
Ein Partneriaid
